Utawala huo wa kijeshi uliingia madarakani Julai 26 mwaka huu baada ya kumpindua rais Mohamed Bazoum.

Maitama Tuggar amesisitiza kuwa Jumuiya ya Kiuchumi ya Nchi za Afrika Magharibi, ECOWAS inatoa kipaumbele kwa diplomasia lakini akasema wazo la uingiliaji kati kijeshi bado lipo mezani. Kiongozi huyo ameataka pia watawala wa kijeshi kumuachia huru rais Bazoum.

Algeria inapinga uingiliaji wowote wa kijeshi dhidi ya jirani yake Niger, na imependekeza suluhisho la kidiplomasia. Serikali ya Niamey imefahamisha kuwa imekubali pendekezo la upatanishi la Algeria. Hayo yakijiri,  Ufaransa  imeanza hapo jana kuwaondoa wanajeshi wake nchini Niger.