Tangazo hilo la wizara ya ulinzi ya Korea Kaskazini limejiri siku moja baada ya Korea Kusini kusitisha sehemu ya makubaliano ya Korea zote mbili kama jibu la hatua ya Pyongyang kurusha angani satelaiti ya ujasusi na kusema itaimarisha maramoja ufuatiliaji kwenye mpaka wenye ulinzi mkali na Korea Kaskazini. Korea Kaskazini imeituhumu Korea Kusini kwa kuufuta mpango huo, unaofahamika kama Mkataba Kamili wa Kijeshi, na kusema Seoul itawajibishwa ikiwa kutatokea mgongano usioweza kurekebeshika kati ya Korea hizo mbili.