Harakati hizo zinaendelea huku rais Nana Akufo-Addo akijitayarisha kukamilisha muda wake madarakani.

Wajumbe wa chama hicho wanatarajiwa kuwachagua wagombea watano kati ya kumi kabla ya kupigiwa kura ya mwisho mwezi Novemba, kujua ni nani hasa atakayekuwa mgombea rasmi wa chama hicho katika uchaguzi wa Desemba mwakani. 

Kulingana na wachambuzi na kura za maoni, makamu wa rais Mahamudu Bawumia, ambaye ni afisa wa zamani wa benki kuu ya taifa hilo anaonekana kuchukua nafasi hiyo.