Kiongozi huyo alisisitiza kuwa endapo hatua zisingechukuliwa,hilo lingeacha doa kubwa katika dhamiri ya ulimwengu.Rais Obama alieleza kuwa Jumuiya ya Kujihami ya NATO itaanza kuyatimiza rasmi majukumu yake nchini Libya hapo Jumatano (30.03.2011).Hata hivyo,Rais Obama aliahidi kuwa operesheni hiyo itachukua muda mfupi zaidi na gharama zake zitakuwa chache ikilinganishwa na vita vya Iraq.Kauli hizo zimetolewa muda mfupi kabla ya kikao cha kimataifa kitakacholijadili suala la Libya kuanza mjini London(29.03.2011).Mkutano huo utawaleta pamoja wawakilishi wa mataifa 35.Wakati huohuo,waasi wanaendelea na mashambulio yao yanayoelekea eneo la magharibi la Sirte anakotokea Kiongozi wa Libya Muammar Gaddafi.