Serikali ya Canada imekubali kumlipa raia wa nchi hiyo mzaliwa wa Syria fidia ya Euro karibu milioni sita nukta tisa kwa kumtuhumu kimakosa kwa ugaidi.

Maher Arar alikaa gerezani nchini Syria kwa muda wa mwaka mmoja ambapo anadai aliteswa kabla ya kuhamishiwa Marekani mwaka 2002.

Maher Arar alikamatwa katika uwanja wa ndege wa John F. Kennedy mjini New York alipokuwa akirejea nchini Canada kutoka likizoni.

Waziri Mkuu wa Canada, Stephen Harper alimtaka radhi hadharani Maher Arar ambaye ingawa aliridhia lakini alisema maisha yake yamevurugika tangu alipokamatwa.