Afisa mkuu wa polisi Babar Sarfaraz Alpa amesema mtuhumiwa huyo aliyefahamika kwa jina moja la Waris alikuwa chini ya ulinzi wa polisi baada ya kunajisi kurasa za kitabu kitakatifu cha Uislamu, Quran.

 Mashtaka ya kukufuru yanaadhibiwa kwa hukumu ya kifo chini ya sheria ya Pakistan. Mnamo Desemba 2021, kundi la watu lilimuua raia wa Sri-Lanka ambaye alikuwa meneja wa kiwanda cha vifaa vya michezo huko Punjab, kwa tuhuma za kukufuru.