Mazungumzo hayo kati ya serikali ya Yemen inayotambulika kimataifa na waasi wa Houthi yanafanyika nchini Uswisi na kusimamiwa kwa pamoja na mjumbe wa Umoja wa Mataifa nchini Yemen Hans Grundberg na Kamati ya Kimataifa ya Msalaba Mwekundu

Kulingana na taarifa ya Umoja wa Mataifa, Grundberg amezihimiza pande hizo mbili kushiriki kwa umakini katika mazungumzo hayo ili kuwaachia huru wafungwa wengi iwezekanavyo. Grundberg pia amezihimiza pande hizo mbili kutimiza ahadi zilizowekwa sio tu kati yao lakini pia kwa maelfu ya familia za Yemen ambazo zimesubiri kwa muda mrefu kuunganishwa tena.