Akizungumza na waumini katika utaratibu wake wa kawaida kila Jumatano, Papa Francis amewataka Wakristo kuwakumbuka wote wanaoteseka katika nchi zote zenye vita, pamoja na mashahidi wanaouawa Ukraine, Palestina, Israel, Myanmar, Sudan Kusini na Jamhuri ya Kidemokrasi ya Kongo. Hata hivyo, Papa Francis amekiri kuwa kwa bahati mbaya wakati mwingine Wakristo hawaenezi upendo wa Yesu Kristo, na kuonya kuwa dhambi huwaondoa Wakristo kwa Yesu na huwaleta karibu na pepo.