Taarifa kutoka makao makuu ya Kanisa Katoliki mjini Vatican, imesema Baba Mtakatifu amekuwa akisumbuliwa na maumivu makali ya tumbo kwenye kovu la upasuaji wa mwaka 2021.

Hii leo Papa Francis alifikishwa kwenye hospitali ya Gemelli mjini Roma anakotarajiwa kufanyiwa upasuaji huo wa tumbo na atabakia hospitali kwa siku kadhaa zinazokuja.

Katika miezi ya karibuni, hali ya afya ya kiongozi huyo wa kidini limekuwa suala la mjadala hususani juu ya uwezo wake wa kimwili wa kuendelea kuwa mkuu wa Kanisa Katoliki lenye zaidi ya waumini bilioni 1.2 duniani.