Papa Francis alisema wakati wa misa ya kila wiki kwamba binadamu wanahitaji amani na dunia inahitaji amani.

Katika maombi yake amewataka watu kutowasahau wale wanaoteseka kutokana na ukatili wa vita katika sehemu kadhaa za dunia.

Kiongozi huyo wa Kanisa Katoliki mara kwa mara amekuwa anatoa wito wa kuleta amani nchini Ukraine na katika Mashariki ya Kati.

Papa Francis amesema inapasa kuwaombea wenye mamlaka juu ya migogoro ya dunia, ili watafakari juu ya ukweli kwamba vita sio njia ya kutatua migogoro, bali vinasababisha vifo kwa binadamu na madhara katika miji na miundombinu.