Mamlaka za Kongo zimesema kuwa watu 14 waliuawa katika shambulio hilo la Jumapili katika mji wa Kasindi, na wengine sitini walijeruhiwa.

Soma pia: Waasi wa ADF wadaiwa kuwaua raia

Katika ujumbe wake Papa Francis ameelezea huruma na mshikamano kwa familia zote zilizoathiriwa na kuhimiza amani. Kiongozi huyo wa kanisa Katoliki anatarajiwa kuwasili mjini Kinshasa tarehe 31 mwezi huu wa Januari kwa ziara ya siku tatu, ambayo awali ilijumuisha mji wa mashariki wa Goma, lakini mji huo ukaondolewa kwenye ratiba yake baada ya kuzorota kwa hali ya usalama.