Polisi nchini Kenya imetangaza zawadi ya pesa taslimu kwa mtu yeyote atakayetoa taarifa za kuaminika zitakazowezesha kukamatwa kwa mshukiwa wa mauaji Collins Jumaisi aliyetoroka kutoka maabusu ya polisi mjini Nairobi.

Idara ya upelelezi DCI hata hivyo haikutaja kiwango cha zawadi hiyo ya pesa.

Soma pia: Miili sita ya wanawake waliokatwa yakutwa dampo Nairobi

Polisi ilianzisha msako siku ya Jumanne baada ya Collins Jumaisi, ambaye anatuhumiwa kwa mauaji ya wanawake kwa kuwakata vipande vya vipande, alitoroka kutoka kituo cha polisi cha Gigiri pamoja na raia 12 wa Eritrea.

Maafisa watano wa polisi waliofikishwa mahakamani jana kwa kushukiwa kumsaidia Jumaisi kutoroka, wameachiliwa kwa dhamana ya shilingi 200,000 pesa za Kenya sawa na dola 1,500, licha ya waendesha mashtaka kutaka kuwaweka rumande kwa siku 14.