Kauli za karibuni kutoka kwa viongozi hao zilijiri saa chache tu baada ya bunge la Ukraine kusitisha shughuli zake kuhusiana na ongezeko la hofu ya shambulizi la kombora.

Soma pia:

Siku moja baada ya Moscow kufyatua kombora jipya kwenye mji wa Ukraine wa Dnipro, Putin amesema kutakuwa na majaribio zaidi ya kombora jipya la Oreshnik. Akizungumza kwenye mkutano na viongozi wa kijeshi wa Urusi, Putin amesema Urusi pia itaanza kutengeneza makombora hayo kwa wingi.

Rais Zelensky wa Ukraine amesema tayari anatafuta mifumo mipya ya ulinzi wa angani kutoka kwa washirika wake. Putin alidokeza kuwa mashambulizi yanayofanywa na Ukraine ndani ya maeneo ya Urusi kwa kutumia makombora inayopewa na washirika wa Magharibi yanaongeza hofu ya vita hivyo kuenea na kuwa mgogoro wa kidunia.