Vitisho hivyo amevitoa kwenye mahojiano ya televisheni.

Kwenye mahojiano hayo, Rais Vladimir Putin amesema kwamba awali hakukuwepo na matatizo ila kwa sasa yatakuwepo.

Akionekana kuzungumzia kuhusu uamuzi wa Finland wa kujiunga na jumuiya ya NATO, kiongozi huyo wa Kremlin ameonyesha kutofurahishwa na uamuzi huo.

Finland iliamua kuomba uanachama wa NATO baada ya Urusi kuivamia Ukraine mnamo Februari mwaka jana.

Sweden ambayo ni jirani ya Finland, nayo pia imetuma ombi la kujiunga na NATO japo haijapata uungwaji mkono kamili kutoka nchi wanachama 31 wa jumuiya hiyo ya kujihami, hasa kutokana na upinzani kutoka Uturuki.