Rais Putin amesema suala hilo linaweza kuibua vikwazo vya kisheria iwapo Urusi na Ukraine zitaamua kufanya mazungumzo ya amani.

Wakati Ukraine ikitawaliwa kwa sheria ya kijeshi katika mwaka wa tatu wa vita vya uvamizi wa Urusi, Zelenskiy hajaitisha uchaguzi licha ya muhula wake kumalizika wiki hii - jambo ambalo yeye na washirika wa Ukraine wanalichukulia kuwa uamuzi sahihi katika wakati wa vita.

Shirika la habari la Reuters limeripoti jana likinukuu vyanzo vinne vya Urusi, kuwa Putin yuko tayari kusitisha vita nchini Ukranine kwa mapatano yanayotambua misitari ya sasa ya uwanja wa vita, lakini pia yuko tayari kuendeleza mapambano ikiwa Kyiv na washirika wake wa magharibi hawatajibu.

Kwenye mkutano wa habari uliotangazwa kwenye televisheni wakati wa ziara nchini Belarus, Putin alisema hadhi ya Zelenskiy ilikuwa na matatizo.