Alexander Khinshtein, mwandishi wa habari aliyeingia bungeni mwaka 2003, anachukuwa nafasi ya Alexei Smirnov, ambaye alishikilia nafasi hiyo mwezi Mei akiungwa mkono na Ikulu ya Kremlin.

Mnamo majira ya kiangazi ya mwaka huu, jeshi la Ukraine lilifanya uvamizi wa kushitukiza dhidi ya mkoa wa Kursk, na kupelekea hasara kubwa kwa Urusi.

Soma zaidi: Rais Zelensky aitaka Marekani iushawishi Umoja wa Ulaya ukubali kuikaribisha Ukraine NATO

Uteuzi wa Khinstein unachukuliwa na wengi kama ishara ya mageuzi makubwa kwenye mfumo wa ulinzi wa Urusi, hasa kutokana na ukweli kwamba kwa miaka miwili alikuwa mshauri kwa mkuu Kikosi Maalum cha Ulinzi wa Rais.

Vikosi vya Urusi vimekuwa vikijaribu kuwaondosha wanajeshi wa Ukraine kwenye mkoa wa Kursk kwa miezi kadhaa sasa.

Wanajeshi wa Korea Kaskazini wanaripotiwa kutumwa kwenye mkoa huo kuisaidia Urusi, kwa mujibu wa duru za kijasusi za Magharibi.