Rais Putin ameyahimiza mataifa hayo kuchukuwa hatua za haraka kutoa hakikisho hilo na kuonya kuwa taifa lake litalazimika kuchukuwa hatua mwafaka za kijeshi na kiteknolojia iwapo mataifa hayo yataendelea na alichokiita, ''visa vya uchokozi'' katika eneo hilo.

Kituo cha televisheni kinachomilikiwa na serikali ya Urusi jana kilipeperusha majibu ya Putin kuhusu hatua zitakazochukuliwa na taifa hilo iwapo masharti yake hayatatimizwa ambapo alisema kuwa itategemea mapendekezo yatakayowasilishwa kwake na wataalamu wa kijeshi.

Marekani na washirika wake, wamekataa kutoa aina ya dhamana anayotaka Putin kuhusu Ukraine na kutaja kanuni ya NATO kuwa uanachama uko wazi kwa nchi yoyote inayokidhi viwango.