Mfalme Mohammed wa Tano wa Morroco leo hii anatazamiwa kutowa msamaha au kuwapunguzia muda wa vifungo jumla wafungwa 347 wakiwemo wanaharakati saba Waislamu wa itikadi kali waliofungwa hapo mwaka 2004 chini ya sheria ya kupiga vita ugaidi.

Msamaha huo utakaotolewa wakati mfalme huyo akisheherekea kutimiza miaka 42 ya kuzaliwa kwake unakuja siku mbili baada kusamehewa kwa wafungwa wengine 417 wakiwemo Waislamu 70 wa itikadi kali.

Wizara ya sheria imesema hao watakaosamehewa leo hii ni pamoja na Waislamu saba wa itikadi kali ambao hapo mwaka 2004 walihukumiwa vifungo vya kati ya miaka miwili hadi 16.