Wagombea hao wawili ni mwanamageuzi Masoud Pezeshkian dhidi ya Saeed Jalili muhafidhina mwenye msimamo mkali.

Kiongozi wa juu zaidi nchini Iran Ayatollah Ali Khamenei alipiga kura yake mapema asubuhi baada ya vituo vya kura kufunguliwa.

Duru ya mwanzo ya uchaguzi huo wa rais iliyofanyika wiki iliyopita ilimpa ushindi wa asilimia 42 Pezeshkian, mwanamageuzi pekee aliyeruhusiwa kugombea wakati mjumbe wa zamani wa Iran katika mazungumzo ya Nyuklia Saeed Jalili akinyakuwa nafasi ya pili kwa kupigiwa kura na asilimia 39 ya Wairan, kwa mujibu wa matokeo ya tume ya uchaguzi.

Asilimia 40 tu ya wapiga kura milioni 61 waliojiandikisha ndio waliojitokeza kwenye uchaguzi huo, idadi ndogo kabisa kuwahi kushuhudiwa katika uchaguzi wa rais nchini humo tangu mapinduzi ya kiislamu mwaka 1979.

Iran inafanya uchaguzi wa rais baada ya kifo cha Ebrahim rais,aliyekuwa rais wa nchi hiyo kilichotokana na ajali ya ndege.