Kulingana na Jumuiya ya Kitaifa ya Wapakistani nchini Australia na Jumuiya ya Waislamu wa Ahmadiyya, raia huyo aliyefahamika kwa jina la Faraz Tahir aliuliwa na mshambuliaji aliyekuwa na kisu, ambaye pia aliwaua wanawake watano.

Jumuiya hizo zimefanya maombolezo ya kijana huyo waliyesema alihamia Australia mwaka uliopita. Jumuiya ya Wapakistani imeiomba jamii kusimama pamoja na familia za wahanga na waliowapoteza wapendwa wao.

Polisi imemtaja mshambuliaji kuwa ni Joel Cauchi ambaye wamesema aliwahi kukutwa na matatizo ya afya ya akili.