Waltz, mfuasi kindakindaki wa Trump amekuwa mkosoaji mkubwa wa shughuli za China katika Ukanda wa Asia-Pasifiki na kuitahadharisha Marekani kujiandaa na mzozo mkubwa unaoweza kutokea kwenye ukanda huo.

Mwanajeshi huyo wa zamani amekuwa akizisifu sera za kigeni na mitizamo ya Trump huku akiikosoa vikali serikali ya Biden kwa namna ilivyowaondoa wanajeshi wa Marekani nchini Afghanistan mwaka 2021.

Ushauri wa masuala ya usalama ni jukumu zito lisilohitaji kuidhinishwa na Seneti na Waltz atakuwa na jukumu la kumuarifu Trump masuala muhimu ya usalama wa taifa.

Trump aidha amemteua Seneta Marco Rubio kuwa Waziri wa Mambo ya Nje, Gazeti la New York Times limearifu.