Katika hotuba ya kila mwaka ya hali ya taifa aliyoitoa muda mfupi uliopita mbele ya mabaraza yote mawili ya bunge na makamanda wa kijeshi,  Putin  amesema Moscow itatekeleza kwa ustadi mipango ya kijeshi na kutimiza malengo yake nchini Ukraine.

Amesema Urusi ilifanya kila inaloweza kuepusha vita lakini Ukraine ikiungwa mkono na mataifa ya magharibi ilikuwa inapanga njama za kuivamia rasi ya Crimea, eneo ambalo Moscow ililinyakua kutoka  Ukraine  mwaka 2014.

Kupitia hotuba hiyo ambayo yumkini imefuatiliwa kwa karibu na mataifa ya magharibi, Putin amesema kuishinda Urusi ni jambo lisilowezekana.