Rais wa China Xi Jinping amesema nchi yake iko tayari kufanya hivyo ili kudumisha mawasiliano, kupanua ushirikiano na kudhibiti tofauti zilizopo kati ya nchi hizo kubwa kiuchumi duniani za China na Marekani. 

Soma Pia: Xi atoa wito wa maelewano na Marekani katika ujumbe wake kwa Trump

Xi aliyasema hayo katika mazungumzo yake na Rais wa Marekani anayemaliza muda wake, Joe Biden. Viongozi hao wamekutana mjini Lima kandoni mwa mkutano wa Jukwaa la Ushirikiano wa Kiuchumi la Asia-Pasifiki, (APEC), unaofanyika nchini Peru. Marais hao wa China na Marekani walizungumzia pia juu ya migogoro, uhalifu wa mtandaoni, biashara, Taiwan, Bahari ya Kusini ya China na Urusi, vita vya Ukraine na Korea Kaskazini.