Hafla ya kuapishwa kwa rais huyo mwenye umri wa miaka 60 anayejulikana kwa jina la utani kama "Fatshi" itafanyika katika uwanja wa michezo wa Martyrs wenye uwezo wa kubeba watu 80,000.

Kulingana na mamlaka ya Kongo, marais 18 wanatarajiwa kuhudhuria hafla hiyo.

Kuapishwa kwake kwa mara ya kwanza kulifanyika mnamo Januari 2019 katika bustani ya Ikulu ya Taifa, baada ya ushindi wa utata dhidi ya Martin Fayulu. Bustani hiyo imekuwa ikitumika kuandaa hafla mbalimbali za serikali.

Mnamo Disemba 20, Wakongomani walipiga kura kumchagua rais, wabunge, magavana wa mikoa pamoja na madiwani.