Katika hotuba aliyoitowa muda mfupi uliopita, Rais Yoon amesema anatambuwa kuwa uamuzi wa kutangaza sheria hiyo ulisababisha mtafaruku mkubwa kwenye nchi na amewaomba raia wamsamehe.

Huku akiinamisha kichwa chake chini, Yoon amesema anakiwachia chama chake kuamua hatima yake, ikiwa aendelee au aondoke madarakani.

Soma zaidi: Kiongozi wa upinzani Korea Kusini anaonya kuhusu jaribio lingine la kutangazwa sheria ya kijeshi

Hotuba hii fupi imetolewa ikiwa ni masaa machache kabla ya bunge kujadili hoja ya kutokuwa na imani na rais huyo.

Tayari mkuu wa chama chake kinachotawala, Han Dong-hoon, amesema kwamba kujiuzulu kwa rais huyo ni jambo lisiloepukika, kwani hana tena nafasi ya kutekeleza majukumu yake kwa umma.

Upinzani unahitaji kura nane tu kati ya 108 za wabunge wa chama tawala kuweza kumuondosha Yoon madarakani.