Sehemu ya hotuba hiyo iliyochapishwa na ikulu ya White house na kunukuliwa na vyombo vya habari,rais Biden amesema mapambano ya kupigania demokrasia ni magumu na yanaanza na kila mmoja.

Soma pia:D-Day: Macron, Biden wakutana na Zelensky

Biden ataitowa hotuba yake kama sehemu ya muendelezo wa maadhimisho ya kumbukumbu ya miaka 80 tangu vikosi vya Marekani na nchi washirika kuanzisha operesheni ya kuikomboa ulaya dhidi ya Ujerumani iliyokuwa ikitawaliwa na Wanazi,katika kile kinachoitwa D Day.

Kabla ya kuelekea Normandy Biden alifanya mazungumzo na rais Emmanuel Macron katika kasri la Elysee lakini pia alizungumza na rais wa Ukraine Volodymyr Zelensky .