Han alizungumza na Rais Joe Biden wa Marekani kwa njia ya simu jana Jumamosi na kumwambia Korea Kusini itaendeleza sera zake za kiusalama na za nje bila ya usumbufu wowote na kuhakikisha ushirika na Marekani unadumishwa kwa uthabiti.

Han amechukua nafasi hiyo kupitia amri ya katiba, baada ya jaribio lililoshindwa la rais Yoon Suk Yeol kutangaza sheria ya kijeshi..

Chama kikuu cha upinzani kimetangaza kutoendelea na mchakato wa kumshtaki Han kwa ushiriki wake katika uamuzi wa Yoon wa kutangaza sheria ya kijeshi Disemba 3, ili kutuliza uchumi na uongozi nchini humo.