Haya yatakuwa ni mazungumzo ya kwanza baina ya mataifa hayo mawili kufanyika huko Ireland na yatajikita katika vita vinavyoendelea kati ya Urusi na Ukraine.

Kwenye mazungumzo hayo pia, Harris anatarajiwa kutoa salamu za pole kwa familia za watu waliopoteza jamaa zao kutokana na vita, na hususan katika shambulizi la bomu kwenye hospitali kubwa ya watoto mapema wiki hii.

Harris aliyeingia madarakani mwezi Aprili anataraji kuzungumzia msaada zaidi kwa maelfu ya watoto wa Ukraine waliopelekwa kinguvu nchini Urusi na Belarus tangu vita hivyo vilipozuka na kuingizwa kwenye mfumo wa elimu wa Urusi.