Rais Ruto ameyasema hayo kwenye mahojiano maalumu na Idhaa ya Kiswahili ya DW yaliyofanyika mjini Berlin wakati alipofanya ziara ya siku mbili nchini Ujerumani wiki iliyopita.

Alipozungumzia malalamiko ya umma juu ya gharama kubwa za maisha na ukosefu wa ajira, amesema rikodi ya serikali yake haina mpinzani, akijinadi kwamba tangu alipoingia madarakani ameweka mikakati ya makusudi ya kushughulikia changamoto zinazolikabili taifa hilo.

Alikuwa mjini Berlin kushiriki Tamasha la Wananchi wa Ujerumani ´BürgerFest´ ambalo huandaliwa kila mwaka na Ofisi ya Rais wa Ujerumani, pamoja na kutia saini mkataba utakaowezesha maelfu ya Wakenya wenye ujuzi kupata kazi nchini Ujerumani.