Rais Xi kuhudhuria mkutano wa BRICS Johannesburg
18 Agosti 2023![Xi ataongozana pamoja na mwenyeji wake, Rais Cyril Ramaphosa kwenye mkutano huo.](https://static.dw.com/image/65959997_800.webp)
Wizara ya mambo ya nje ya China imesema Rais Xi Jinping atahudhuria mkutano wa kilele wa wiki ijayo wa mataifa ya BRICS huko Johannesburg na kisha baadaye atafanya ziara rasmi ya Afrika Kusini.
Msemaji wa wizara hiyo ya mambo ya nje, Hua Chunying, katika taarifa pia amesema, katika ziara hiyo itakayoanza tarehe 21 hadi 24, Xi ataongoza pamoja na mwenyeji wake, Rais Cyril Ramaphosa, mkutano wa China na Afrika.
Mamlaka za Afrika Kusini zinasema Rais Vladimir Putin ameamua kutohudhuria mkutano huo kutokana na waranti wa kukamatwa kwake uliotolewa na Mahakama ya Kimataifa ya Uhalifu ya ICC.
Hatua hiyo huenda ikaonekana kama ya aibu kwa Putin ambaye ndiye rais wa pekee katika kundi la nchi za BRICS ambaye hatohudhuria mkutano huo.
Nchi nyengine zilizoko katika kundi hilo ni Brazil, Urusi na India. Huu ndio mkutano wa kwanza wa ana kwa ana wa kundi hilo BRICS tangu mwaka 2019.