Wachunguzi kutoka shirika hilo la kupambana na ufisadi CIO walimuita Yoon katika ofisi yao mapema leo ili kuhojiwa kuhusu mashtaka ya uasi na matumizi mabaya ya mamlaka.

Mawakili wa Yoon wamesema kiongozi huyo hakufanya uasi na wameapa kupinga mashtaka hayo mahakamani.

Yoon aliondolewa madarakani na bunge mwishoni mwa wiki baada ya kutangaza sheria ya kijeshi mnamo Disemba 3, hatua iliyosababisha mgogoro mkubwa wa kisiasa nchini humo.