Katika mazungumzo mjini Paris, Sunak ambaye alichaguliwa waziri mkuu mwezi Oktoba, atategemea kutumia fursa hiyo kukomesha miaka kadhaa ya mzozo kuhusu masuala kuanzia uhamiaji hadi uvuvi.

Uhusiano kati ya mataifa hayo uliogeuka kuwa wa uhasama tangu Uingereza ilipopiga kura kuondoka Umoja wa Ulaya mwaka 2016, umeimarishwa na uungaji mkono wa mataifa hayo mawili kwa Ukraine tangu uvamizi wa Urusi, na mkutano huo unatazamwa kama fursa ya kuuimarisha zaidi.