RFK Jr asitisha kampeni ya urais, amuidhinisha Trump
24 Agosti 2024![Marekani | Mgombea urais Robert F. Kennedy Jr. |](https://static.dw.com/image/70037057_800.webp)
Matangazo
Hatua hiyo inahitimisha jaribio lake la kuingia Ikulu ya White House ambalo lilianzia katika chama cha Democratic. Kennedy amesema alikutana na Trump na washirika wake mara kadhaa na kugundua kuwa walikubaliana kuhusu masuala kama vile usalama wa mpakani, uhuru wa kujieleza na kumaliza vita.
Soma pia: Kamala Harris akubali rasmi uteuzi wa Democrat kuwa mgombea urais
Kennedy amesema ataondoa jina lake kutoka karatasi za kupigia kura katika majimbo 10 yenye mchuano mkali yanayoweza kuamua matokeo ya uchaguzi wa Novemba 5, na atabaki kuwa mgombea katika majimbo mengine. Watalaamu wa mikakati wanasema haijabainika kama uamuzi wa Kennedy utamsaidia Trump, ambaye yuko katika mchuano mkali na makamu wa rais Mdemocrat Kamala Harris.