Mkuu wa WHO Tedros Adhanom Ghebreyesus ameandika kwenye ukurasa wake wa mtandao wa kijamii wa X kwamba hizo ni habari za kutia moyo kutoka Rwanda huku akipongeza hatua hiyo inayohusisha matumizi ya dawa inayotumiwa pia kutibu Covid-19.

Mripuko wa Marburg ulitangazwa kwa mara ya kwanza nchini Rwanda mwishoni mwa mwezi Septemba huku kampeni ya chanjo ya majaribio ikizinduliwa mapema mwezi huu. Wiki iliyopita, Idara ya afya ya Umoja wa Afrika ilisema kuwa mlipuko huo kwa sasa umedhibitiwa.