Msemaji wa serikali ya Rwanda Yolande Makolo, amesema ndege ya kivita aina ya Sukhoi 25 kutoka Congo iliingia katika anga yake kwa mara ya tatu, kupitia Rubavu karibu na mji wa Goma na hatua za kujilinda zikachukuliwa, huku akiitaka DRC kuacha kuichokoza Rwanda.

Hata hivyo Congo imekanusha kuwa moja ya ndege zake imeingia katika anga ya Rwanda na kulituhumu moja kwa moja taifa hilo kuishambulia ndege yake na kuliita tukio hilo kama hatua ya kuanzisha vita. Congo imesema Rwanda imeshambulia kwa maksudi ndege hiyo kwa nia ya kusambaratisha juhudi za kuleta amani Mashariki mwa Congo.