Wolfsburg walilemewa mbili moja na Eintracht Frankfurt licha ya kuwa walikuwa nyumbani, halafu Mainz wakalazwa moja bila na Hoffenheim.

Schalke 04 nao wanaendelea kupata matokeo yasiyoridhisha baada ya kufungwa mdomo moja bila walipowaalika Werder Bremen nyumbani kwao. Kocha wa Schalke David Wagner alikuwa na haya ya kusema baada ya mechi hiyo.

"Hatimaye tumefungwa tena, hatimaye ni kosa jengine la mchezaji binafsi na hatukuzitumia vyema nafasi zetu kama inavyostahili unapokuwa katika hali kama ile na ndio maana tumepoteza kwa bao moja," alisema Wagner.

Hertha BSC Berlin walikuwa nyumbani kuwaalika Augsburg na wakaebuka na alama zote tatu baada ya kupata ushindi wa mbili bila. Huyu hapa Bruno Labbadia, mkufunzi wa Hertha Berlin.

"Ingawa tulikuwa tumechoka tulionyesha motisha katika mechi nzima. Tuliendelea kujilinda vyema baada ya kuchukua uongozi wa mbili bila ambao tulistahili, dhidi ya timu ya Augsburg ambayo ilicheza vizuri sana," alisema Labbadia.