Hii ni mara ya kwanza kwa viongozi hao kuzungumza katika kipindi cha takriban miaka miwili tangu Urusi ilipoanzisha uvamizi kamili nchini Ukraine.

Chanzo cha kuaminika kimeeleza kuwa Scholz amezungumza na Putin kwa muda wa saa moja.  Msemaji wa serikali mjini Berlin amesema katika mazungumzo hayo, Kansela Scholz amemtaka Putin kuondowa wanajeshi wake wote nchini Ukraine.

Kabla ya kuzungumza na Putin, Scholz alikuwa amezungumza kwa simu na Rais Volodymyr Zelensky wa Ukraine na kumuhakikishia uungwaji mkono wa kudumu wa Ujerumani kwa Ukraine.