Scholz ameiambia tovuti ya habari ya Focus Online kwamba kiwango hicho ni kikubwa mno na kuongeza kuwa, upo utaratibu wa wazi ndani ya NATO kuhusu maamuzi kama hayo.

Kansela huyo amesema kwa Ujerumani, nchi yenye uchumi mkubwa zaidi barani Ulaya, asilimia tano ya pato jumla la taifa ni sawa na takribani euro bilioni 200 kwa mwaka wakati bajeti ya shirikisho la Ujerumani ni euro bilioni 400.

Ameeleza kuwa, ili Ujerumani kutimiza hitaji la Trump, nchi hiyo italazimika kukopa euro bilioni 150 kwa mwaka.

Hata hivyo, amekiri kwamba Ujerumani inapaswa kuwekeza zaidi kwa ajili ya usalama wake, na kusisitiza kwamba Berlin tayari imeongeza karibu mara mbili fedha kwa ajili ya ulinzi kila mwaka hadi karibu euro bilioni 80 katika miaka ya hivi karibuni.