Sebastian Hoeness, mtoto wa mshambuliaji wa zamani wa Ujerumani Dieter Hoeness na mpwa wa rais wa zamani wa Bayern Munich Uli Hoeness, ameteuliwa kuwa kocha wa Hoffenheim.

Klabu hiyo ya Bundesliga imesema Hoeness atapewa mkataba wa miaka 3 hadi 2023. Kocha huyo mwenye umri wa miaka 38 anajiunga na Hoffenheim akitokea timu ya akiba ya Bayern ambayo aliiongoza kubeba taji la daraja la tatu msimu uliopita. Anachukua nafasi ya Alfred Schreuder aliyeondoka mwezi uliopita. Hoffenheim ilimaliza msimu katika nafasi ya sita.

dpa