Dereva huyo wa timu ya Red Bull alizomewa tena na mashabiki wa Formula One, wakati akifanyiwa mahojiano jukwaani baada ya kuwapiku wapinzani wake kwa mara nyingine katika mkondo wa Singapore Grand Prix jana Jumapili.

Kutawala kwa Vettel ambako nyota wa timu ya Ferrari, Fernando Alonso anaendelea kukifuata kivuli chake akiwa katika nafasi ya pili, na pia tukio lenye utata ambalo Vettel alipuuza maagizo ya wasimamizi wake na kumpiku dereva mwenzake wa RED Bull Mark Webber mapema msimu huu katika mkondo wa Malaysia huenda ndizo sababu zinazowanya mashabiki kumzomea Mjerumani huyo.

Viongozi wa Red Bull wanakashifu hatua hiyo, ijapokuwa Vettel anasema hajalishwi na matukio hayo…Vettel sasa anaongoza msimamo wa madereva, akiwa na mwanya wa pointi 60 mbele ya nambari mbili Alonso, huku kukisalia mikondo sita msimu kukamilika.

Mwandishi: Bruce Amani/AFP/Reuters

Mhariri: Yusuf Saumu