Yunus amesema mgogoro wa nchini Bangladesh unapaswa kutatuliwa haraka.

Walioongoza harakati za upinzani nchini humo wamesema wanatarajia serikali ya mpito itakamilishwa leo baada ya Waziri Mkuu aliyekuwepo Sheikh Hasina kujiuzulu na kuikimbia nchi.

Wanafunzi walioandaa maandamano ya kumng'oa Hasina hapo awali walikataa mpango wa jeshi kuongoza serikali ya mpito na wamependekeza idadi ya wawakilishi wa serikali hiyo mpya ya mpito iwe na kati ya watu 10 na 15.