Katika siku za karibuni, mamia ya watu wamekuwa wakihamishwa kutoka kwenye maeneo yaliyoathirika kaskazini na mashariki mwa Ujerumani, ikiwa ni hatua ya tahadhari.

Kansela Scholz aliwasili katika mji wa Verden, kwenye jimbo la Lower Saxony mapema leo ambako mitaro ya kando ya mito ilikuwa imefurika maji yanayokaribia kuvunja kingo zake katika baadhi ya maeneo ya jimbo hilo.

Akizungumza na waandishi wa habari karibu na mto Aller, uliosababisha mafuriko katika maeneo ya Verden, Scholz aliwashukuru polisi, idara ya zimamoto, idara ya shirikisho inayoshughulikia misaada na vikosi vya jeshi kwa juhudi zao za pamoja.

Aidha, Kansela Scholz ameahidi serikali ya shirikisho kusaidia majimbo yaliyoathirika, na mamlaka ya maeneo katika kukabiliana na mzozo huo.