Starmer ameapa kutekeleza matakwa ya wapiga kura ya uwepo wa mabadiliko nchini humo, lakini akatahadharisha kuwa kazi hiyo haitakuwa rahisi na haitofanyika haraka. Katika uchaguzi wa bunge uliomalizika, chama cha Starmer cha labour kilikishinda chama cha conservative chake waziri mkuu wa zamani Rishi Sunak, baada ya kuwa madarakani kwa miaka 14.

Akizungumza katika mkutano wake wa kwanza na waandishi habari katika ofisi yake ya Downing Street, Starmer amesema anataka sana mabadiliko lakini hawezi kuwaahidi waingereza ni kwa muda gani wataona mabadiliko katika viwango vyao vya maisha au huduma za ummah.

Keir Starmer awa Waziri Mkuu mpya wa Uingereza

Serikali yake yenye mawaziri 25 , imeanza majukumu ikikabiliwa na  changamoto chungu nzima zikiwemo za kiuchumi, kisiasa, kuuboresha mfumo wa afya na kurudisha imani ya wananchi kwa serikali.