Mgombea huyo wa urais wa upinzani nchini Uturuki Kemal Kilicdaroglu mwanzoni mwa wiki hii alidai kwamba Urusi iko nyuma ya kampeini ya mtandaoni ya kumchafua kuelekea uchaguzi wa Jumapili.

Soma zaidi:Upinzani wa Uturuki kusambaza waangalizi 500,000 uchaguzi wa Mei 14

Msemaji wa Kremlin Dmitry Peskov amesema wanapinga vikali taarifa kama hizo na hawahusiki kwa namna yoyote na kampeini ya kuingilia kati siasa za Uturuki. Amesema Urusi inajali kwa kiasi kikubwa mahusiano yake na Ankara.