Gavana wa mkoa wa Odessa Oleh Kiper ameeleza kwenye ukurasa wake wa mtandao wa kijamii wa Telegram kuwa mashambulizi hayo yalisababisha uharibifu mkubwa huku karibu magari 30 yakiteketea moto.

Naye Meya wa Odesa Hennadiy Trukhanov amesema shambulio hilo limewaacha zaidi ya watu 40,000 bila ya kuwa na uwezo wa kupasha joto majumba yao, huku miundombinu ya hospitali moja inayohudumia wanawake wajawazito ya jiji hilo ikiwa pia imeharibiwa.