Shambulizi hilo limetokea katika kijiji cha Gorodishche, kijiji kidogo katika eneo la Kursk la Urusi, kikiwa umbali wa mita chache kutoka katika mpaka wa taifa hilo na Ukraine. Kupitia ukurasa wake wa Telegram Gavana wa Kursk Alexei Smirnov amesema watu wengine wawili wa familia hiyo wapo katika hali mbaya baada ya kujeruhiwa vibaya.

Ukraine imeongeza mashambulizi yake katika eneo la Urusi mwaka huu, ikilenga maeneo ya nishati ambayo inasema yanachochea jeshi la Urusi, pamoja na miji na vijiji vinavyopo maeneo ya mpakani.