Shambulio hilo limetokea wakati wa sherehe za kidini huko Mastung katika mkoa wa kusini magharibi wa Baluchistan, wakati waumini wa Kiislamu wakisherehekea kuzaliwa kwa Mtume Muhammad.

Naibu Inspekta Jenerali wa Polisi eneo hilo Munir Ahmed ameliambia shirika la habari la Reuters kuwa mshambuliaji alijilipua karibu na gari la Naibu Msimamizi wa jeshi la Polisi lililokuwa limeegesha karibu na msikiti uliobomoka na kuwafukia chini ya vifusi watu wengine kati ya 30 na 40.

Hadi sas hakuna kundi lililodai kuhusika na mlipuko huo ambao inajiri huku kukiwa na ongezeko la mashambulizi ya makundi ya wapiganaji magharibi mwa Pakistan, hali inayozidisha changamoto kwa vikosi vya usalama kabla ya uchaguzi mkuu uliopangwa kufanyika Januari mwakani.