Gavana wa mkoa huo Vyacheslav Gladkov, amesema shambulizi hilo limetokea karibu na kijiji cha Berezovka.

Ameongeza kuwa mwanaume mmoja yuko katika hali mbaya na watoto wawili wamepata majeraha makubwa.

Mkoa wa Belgorod ambao unapakana na Ukraine, umekuwa ukishambuliwa mara kwa mara kwa makombora na ndege zisizo na rubani za Ukraine katika kipindi cha mwaka mmoja uliopita.

Ukraine imekuwa ikikanusha kuwalenga raia na kuongeza kuwa inayo haki ya kuishambulia Urusi.

Moscow nayo inasema nchi za Magharibi zinapuuza mashambulizi ya Ukraine dhidi ya raia.