Shirika la Umoja wa Mataifa linalohusika na watoto kwenye ripoti yake limeonya kwamba mmoja kati ya watoto sita anakabiliwa na utapia mlo kaskazini mwa Gaza.

Kwa mujibu wa Umoja wa Mataifa, idadi ya malori ya kuingiza msaada katika Ukanda wa Gaza uliozingirwa imepunguzwa kwa zaidi ya nusu katika kipindi cha wiki mbili zilizopita, kutokana na Israel kushindwa kusitisha vita kupisha msaada.

Israel imeendelea kufanya mashambulio katika Ukanda wa Gaza huku mshirika wake Marekani jana ikitumia kura yake ya turufu kupinga azimio la baraza la usalama la Umoja wa Mataifa lililotaka vita visitishwe katika ukanda huo.