Katibu Mkuu wa shirika hilo Matthias Mogge, ambae amerejea kutoka ziarani nchini humo ameelezea hali ya kufurika kwa kambi za wakimbizi, ugumu wa kusambaza misaada ya kiutu na kuendelea kwa mapigano makali ya wenyewe kwa wenyewe.

Mogge ameongeza kuwa wafanyakazi wa mashirika ya misaada ya kiutu wanakabiliwa na changamoto kubwa na hali katika jimbo la magharibi la  Darfur ni janga kutokana na kuongezeka kwa njaa.

Sudan imekumbwa na mzozo kufuatia mapigano kati ya Kiongozi mkuu wa Sudan, Abdel Fattah al-Burhan na makamu wake wa zamani ambae pia ni kiongozi wa wanamgambo wa RSF kupigania madaraka tangu mwezi April 2023.

Kwa mujibu wa Umoja wa Mataifa takriban watu milioni 8 wamekuwa wakimbizi kufuatia mapigano hayo.